12.1.2012

Skaupið aftur vinsælast

Endursýnt Áramótaskaup Sjónvarpsins var aftur í fyrsta sæti yfir vinsælustu dagskrárliði í sjónvarpi í síðustu viku.   Endursýningin á laugardagskvöldi gaf af sér 40% meðaláhorf og um 48% uppsafnað áhorf.  Aðrir vinsælir dagskrárliðir voru Landinn með 32% áhorf, Íþróttamaður ársins með 31% og Fréttir með 29% meðaláhorf.

5.1.2012

Áramótaskaupið með 80% áhorf!

Nýjar mælingar á áhorfi og hlustun eru nú komnar á vefinn.  RÚV endaði árið með látum því mesta sjónvarpsáhorf ársins var í þessari síðustu viku.  Skaupið var að sjálfsögðu vinsælast og fékk flott áhorf eða um 80%. Aðrir dagskrárliðir mældust vel, Páll Óskar og Sinfó, Áramótamót Hljómskálans og fréttaannálar ársins skipa efstu sæti topplistans.  Áhorfið á RÚV í þessari viku var meira en í sömu viku á síðasta ári! Markaðshlutdeildin er líka í hæstu hæðum eða 57%.

Rás 1 og Rás 2 enda líka árið á góðum nótum. Messan á Rás 1 á gamlársdag fær mikla hlustun, en þessa „óvirku“ daga milli jóla og nýárs fékk Rás 2 mun meiri hlustun en Bylgjan yfir daginn. Markaðshlutdeild Rásar 2 mælist með mesta móti þessa vikuna eða 39% og hefur aðeins einu sinni áður síðustu 12 mánuði farið hærra. Hlustun í mínútum minnkar aftur á móti milli vikna og þá sérstaklega á Rás 2 og Bylgjuna. Líklega hefur sjónvarpið tekið eitthvað af þessum mínútum! Einnig var útvarpshlustun á nýársdag með minnsta móti og dregur meðaltalið niður.

29.12.2011

Magnaður Mugison

Bein útsending frá tónleikum Mugison fimmtudaginn 22. desember var vinsælasta sjónvarpsefnið í síðustu viku.  Um helmingur landsmanna horfði á útsendinguna og fjölmargir hlustuðu á beina útsendingu Rásar 2 frá tónleikunum.  Annað vinsælt efni í síðustu viku voru framhaldsþættirnir Millennium sem sýndir eru á þriðjudagskvöldum og heimildamyndin Andlit norðursins sem sýnd var á jóladag.  Nánari upplýsingar um áhorf og hlustun er hægt að fá með því að skrá sig inn á vefinn hér til vinstri á síðunni.

15.12.2011

Dans dans dans

Vinsælasti dagskrárliðurinn í síðustu viku var útsending frá úrslitakvöldi Dans dans dans.  Rúmlega helmingur landsmanna fylgdist með útsendingunni.  Human Planet, Criminal Minds og Útsvar voru næstir í röðinni á topplista sjónvarps.  Hægt er að nálgast áhorfstölur með því að fara inn á www.capacent.is eða skrá sig inn á þennan vef hér til hægri á síðunni. 

24.11.2011

Nýjar kannanir komnar á vefinn

Greining á nýjum mælingum fyrir útvarp og sjónvarp eru komnar á vefinn undir flokknum "Kannanir"  Til að nálgast þessar upplýsingar þarf viðkomandi að vera skráður notandi á vefnum. 

Í síðustu viku voru Útsvarið og Dans dans dans vinsælustu dagskrárliðirnir í sjónvarpi.  Í þriðja sæti þar skammt á eftir var hinn undraverðir "Human Planet" heimildaþáttur sem sýndur er á RÚV á mánudagskvöldum.

28.10.2011

Coldplay í beinni á Rás 2

Hljómsveitin Coldplay er ein allra stærsta og vinsælasta hljómsveit samtímans og sendi á dögunum frá sér sína fimmtu breiðskífu, Mylo Xyloto, sem ekki er ólíklegt að fari alla leið í fyrsta sæti vinsældalista víðsvegar um heiminn. Platan er einskonar „konsept-plata“ og segir frá elskendunum Mylo og Xyloto og raunum þeirra í stórborgarlífinu.

Á hvaða útvarpsstöð hlustar þú mest?

Rás 1
Rás 2
Bylgjuna
FM 957
X-ið
Aðra